Бірегей
"Жыр өлкесіне пішімі бөлек, өрісі кең, танымы терең алғадай шайыр келді",- деп аға буын өкілдері сүйіншілеп қуанған, поэзия әлеміне бөлек үнімен келген Фариза Оңғарсынованың бүгін туған күні. Өлеңін әлдилеп өткен ақынның туған күніне орай, мектебімізде "Жырым қалсын жанымның ұшқынындай" атты апталық өтуде. Апталық аясында Ф.Оңғарсынованың өмірі мен шығармашылығына арналған кабинет меңгерушісі Ғ.Жүсіпбекқызы оқушыларға "Зум" желісі арқылы онлайн түрде деректі фильм көрсетті. 6 және 7-сынып оқушылары тамашалаған бұл бейнежазбада ақын туралы ақпарат беріліп, өлеңмен қанат қағып, биікке самғап, ұлтының өр ақынына айналған Ф.Оңғарсынованың көзі тірісінде ерекше қадірлеп өткен ұстазының естеліктері мен мектебімізге есімі берілген сәттер де көрсетілді. Бұл - қадамын тәй-тәй басқан мектебіміздің Ф.Оңғарсынова атымен аталғаннан бастап жиналған алғашқы мұрағаты. Бұл - Ф.Оңғарсынова атындағы жалпы білім беру мектебінің тарихы. Ақын есімі мектеп табалдырығын аттаған әр шәкіртінің жүрегінен орын аларына сенімдіміз.
